旅行時，幫您計劃好一切既人好能偉大！
尤其係您女朋友！我呀！
話說尋日我同麥仔突然決定下個星期要去旅行
（無錯，係尋日決定下星期就出發！）
於是呢兩日我地就好趕急係到搞機票酒店既野..
呢兩日我好似一有時間就係到check check check..
係咁比較唔同網頁呀價錢呀乜乜乜
買機票都唔煩，因為始終唔多選擇嘛
嘩揀酒店先嘔血，揀地區揀星級揀價錢睇圖睇評分睇評語，
好似trivago話 同一間酒店又唔同價值咖喎！
唉仲要時間太緊迫得番好少選擇
我又要問下麥仔意願意見，一來一回都用左好多時間
有好幾刻我爭啲發火搞到妻離子散呀陰公
（我嬲件事煩咋唔係嬲麥仔澄清番）
Anyway恭喜我終於訂好機票酒店
淨番行程姐～其實唔難（好似係）
不過去旅行我唔鍾意買旅遊書
對上幾次同麥仔去我都係上網搵料整個doc.
雖然好麻煩，但掌握哂一切感覺真好
麥仔真係好幸福～有我！
不過～一個好鍾意計劃既人，
都要配到另一個肯相信交托畀我既人既～～
最怕啲諸多意見又唔去計劃淨係阻礙既人！
其實唔係去旅行考驗感情呀，
係由您地決定去旅行果刻已經好考驗感情啦！
Search